انا مااقدر على فرقاك .......... ولا ظني بدونك دنيتي حلوة (ميرة +منصور ) قصة حب رووعه

[تمرב جنۈنيـﮱ ..]

وضهرو من المحل
مهرة : احلى يوم اليوم اول مرة اسير المحل واشتري مرة وحدة
ايمان : زين انا اقوول بعد حصلت اختياري صعب
غلا : ميثووه وانا بعدني ماحصلت
ميثا : اففففف انزين انتوا اسبقونا وانا بدور لهالعلة
ظهرن البنات من المحل
مهرة : ميروووه ........ ريم
ميرة : وينها ؟؟؟
مهرة : هكي ويا امها بهالمحل
ميرة : بسير اسلم عليها ومرة وحدة اسالها عن منصور
ميرة سارت لريم
ميرة : السلام عليكم
ريم : وعليييكم السلام وينج حنى ماتتصلين
ميرة : هههههههه اسمحيلي والله ... هلا والله خالوه اشحالج ؟؟
ام منصور : الحمدالله بخير فديتج انتي شحالج ؟؟
ميرة : الحمدالله وبصوت خفيف : ريمووه شحال منصور ؟
ريم : الحمدالله على كل حال اليووم بيظهر من المستشفى ونحن ياايين نشتري له شوية هدايا
ميرة : اممم عاادي اشتري له هدية ؟؟

ريم : ههههههه هيه على راحتج اونه اخو ربيعتج عادي عادي .... اماية بسير شويه دقيقة ويا ربيعتيه وبيي
ام منصور : انزين بس لا تتاخرين
ميرة للبنات : انا بسير شوي وبيي مابتاخر
ميرة : خل نسير صوب باريس غاليري
ريم : يلا
ميرة : شو اشتري ؟؟؟؟ شو اشتري ؟؟؟؟
اخر شي قررت ميرة تشتري له بوك وساعة وعطر وغلف لها بشكل رووعة وحذت كرت وكتبت حمدالله عسلامتك يا منصور ان شالله فيي ولا فيك وحطته فالجيس
ميرة : هاا اندوج ولا تقوولين له مني اووك
ريم : انزين
سارت ميرة للبنات وخلاص ردوا العزبة
بيت منصور
ام منصور : الحمدالله عالسلامة يا منصور تو مانور البيت
حميد : يالله عن اذنكم عمووه انا ساير البيت
ريم : تعشى ويانا
ام منصور : هيه ولديه تعشى ويانا
حميد : لا ماعليه تكقي العزيمة باجر يلا مع السلامة
عزوز : سلامات ماتجووف شر
منصور : الله يسلمك ... يالله عن اذنكم انا بسير الحجرة بحلق لايعة جبدي من شكلي
عزوز : اساعدك ؟؟
منصور : لا ااروم والعكاز شو فايدته ؟
وسار لحجرته
منصور : ههههههه الله يهديهم كل هالمعاناة فالمستشفى بعد يايبين لي هدايا خل نجووف شو يايبين ؟
يلس يفتح الهدايا وهو يضحك عهدايا امه جااف كيس باريس غاليري شله وخذا الكرت
حمدالله عسلامتك يا منصور ان شالله فيي ولا فيك
منصور : من منو هذا ؟؟؟ ريموووه ريمووووه
ريم : هلا منصور ها بغيت شي
منصور : منو اللي يايب هالهدية
ريم : هاااي هااي من ... من ميرووه
منصور : ميرة ؟؟؟؟؟؟؟؟؟؟؟؟
ريم : هيه ميرة اليوم جفتها بالمول واشرت لك هالهدية
منصور : صدق علني افداها يارب
ريم : بس ماادري ليش قلتلي ماااخبرك انها هي اللي يابت لك هالهدية
منصور : فديتها والله
ريم : بعدك تحبها ؟؟؟
منصور : اقووول اجلبي ويهج
في العزبة
مهرة : ميروووه شو سويتي ويا ريم
ميرة : اشتريت هدية لمنصور
مهرة : شووووووووووو
ميرة : اللي سمعتيه والله عااد اناحـــــــبــي لمــــــــــــــنصــــــــــور مــــــــا بـيــــــــــــتغيــــــــــر تعرفين من السبب بهالمعاناة اللي انا فيها ؟؟

[تمرב جنۈنيـﮱ ..]

مهرة : منو ؟؟
ميرة : اهلنا ........ الله يهديهم متفقين اييبون عيال شرات بعض عسب يطبقوون هالنظااام اونه علينا
مهرة : خخخخخخخخخخخخخخ الله يغربل سوالفج
ميرة : انا بنزل تحت بتيين
مهرة : عقب
فالخيمة
ميرة : السلام عليكم
الكل : وعليكم السلام والرحمة
عبدالله : هلا هلا والله
بو علي : عبوود تادب بعدها مااستوت حرمتك طاع ابوها واخوانها شقايل يطالعونك
عبدالله : انزين انتوا خلوني اعرس بسرعة جي احس انكم مقيديني
بو علي : والله يا بو سالم هذا اذا ماعرس بيمووت علينا
ومر اليوووم بسلام
اليوم الثاني الظهر
بيت منصور
ريم : اميه وينج ؟؟؟
ام منصور : تعالي انا هنيه فالمطبخ
ريم : يمممممممم شو هالريحة الغاوية انا لو ادري انج بتسوين هالطباخ الغاوي يوم يستوي فينا شي جان كسرت عمريه هع
ام منصور : ويدي شو هاي الرمسة بعد ؟؟ غربل الله بليسج
عزوز : السلام عليكم
ريم وام منصور : وعليكم السلام والرحمة
ريم : غريببة ناش من الصبح اليوم
عزوز : ليش ماتعرفين ان اميه امس هازبتني
ريم : احسن تستاهل خخخخ
عزوز : ووينه المعرس ليش بعده ماقام
منصور : ان شالله انته بتعرس قبلي ... صبحج الله بالخير اماية
ام منصور : صبحك الله بالنووور ... وبعدين شو قصدك ان عزوز بيعرس قبلك انا الحينه ادور لك بنت الحلال شو بعد ؟؟
منصور : لا اماية انا ماابا اعرس الحينه ورن تلفووون منصور
منصور : الو .. ها حميدووه .. اووك يالله احدروا الميلس وصكر عنه :: يالله عزوز ........ اماية يالله انقفظي
ريم : هلا هلا بنواري شحالج علومج
نورة : الحمدالله بخيير وين منصور حبيبي ؟؟ هو زين (((((((( نورة متكبرة وجايفة عمرها وتحب منصور )))))))))))
ريم : ههههههه الحمدالله الحمدالله وين قووم فطووم ؟؟
مريم حرمة اخو نورة اخت فطوم يعني بنت عم ريم
مريم : شحالج ريم ؟؟؟ وشحالج مرة ثانية هااي من حميد
ريم استحت : هههه ((((حميد خاطب ريم )))) الحمدالله الحمدالله هع
فطوم : هاااااااااااااااااااي
نورة وريم : هايين
نورة : تاخرتي ست الحسن ريمووه شكلي مب عايبتنها
ريم : لاااا حرام عليج
منصور : امييه شو اللي ماخرنج الحينه
ام منصور : انزين صبر شوي وظهرت من المطبخ
نورة استغلت الفرصة وسارت
نورة بدلع : حمدالله عسلامتك يامنصور
منصور في خاطره : اللهم طولج ياروح :: الله يسلمج
نورة : شحالك ؟؟
منصور : بخير ...... يالله عن اذنج احس الجو ضاق علي وسار عنها
نورة : افففف ليش يسوي بي جي انا شو سويت له ؟؟؟

[تمرב جنۈنيـﮱ ..]

لعيون الزعلانين
(( البارت 11))

الظهر في العزبة
البنات يرتبن اغراضهن والشباب والرياييل فالمسيد لصلاة اليمعة وعقب مايردون كل واحد بيسير لبيته
امنة : بنشتاقلكم واايد
ميثا : حتى نحن عااد محمد يقولي اول ما تعرسين تبتعدين عن هالشلة الفاسدة وانا ماعرفت شو اقوله ؟؟
هند : من الحيييينه اوامر عيل فديته فيصلووه ريلي ما يفرض علي شي
امنة : هيه هيه صح اقووولج لي بغينا انسير المول لازم تستاذن منه واذا ما وافق عاادي ماتسير وتقول مايفرض عليها
هند : جب جب يلا بس
ام مايد : اميييه هند امووون يلا تعالوا ابوكم ياك يلا بنسير لا تتحيرن
مروة : واااي صدق بنشتاق لكم
وظهروا كلهم من الحجرة وسلموا عالحريم وقبض كل واااحد خطه
بيت بو سعيد
مهرة : الله يا حلات بيتنا والله مشتاقة له
مروة : توج ماتبين تردين البيت والحينه ياحلاته اسميج خرااطة
مهرة : جب بس جب
سعيد : بس عااااد صخوا الله يغربلكن تونا راادين البيت
مروة : انزين انته شو يخصك ؟؟
سعيد سار صوبها ويود ذراعها : عيدي عيدي شو قلتي ؟؟
مروة : شو قلت انا الحينه ؟
سعيد : لا لا ماقلتي شي بعدج
بوسعيد : ابووويه استغفر ربك تونا داشين البيت وتعبانين من الدرب
سعيد : اووهوو انا بسير حجرتيه احسن
مروة : امااااية جفتي شو يسوي بنا
ام سعيد : عاااد لا تخرطين انتي الغلطانة شعنه تقوليله شيخصك يلا سيري اعتذري له
مروة تطالع اختها مهرة ومستغربة ومهرة تضحك
مهرة : اماااية عااد مرووه ماسوت شي هو الغلطان
ام سعيد : اقوول سيروا حجركن ابرك من ويوهكن جداامي يلا سيرن ومهرة ومروة سارووا وهم يتاففون
مروة : يااخي اهلج هاييلا متخلفين شو مايحسون فينا والا اخوووية العود امي مدلعتنه اكثر من احمدوووه ليش يعني ؟؟
مهرة : تعرفين من يومها اخوووج سعيد
مروة قاطعتها : ادري بتقووولين متوحش همجي ما يفهم متسرع غغغغغغغغغغغغغغغبي
سعيد دش عليهم الحجرة
سعيد : مرووووه شكله يبالج تربية لان محد ربااج
وبدى يضربها ومروة تصرخ وتصيح
مهرة : اييييييييييييييييييييييييييه يا حماااار بتجتلها خاااف ربك
بو سعيد : سعيييييييييييييييييييييييييييد وماصد سعيد له الا وطرااق على ويهه
بيت بو عيسى
عيسى : ياااحيبتي انتي تعرفين اني احبج بس شو اسوي اهلي ما يرضون اخطب من برا العايلة وعاااد ماشي عندي غير وحدة هبلة باخذها وبظل ارمسج لا تخافين وعقب بطلقها وباخذج انتي
ـــــــــــــــــــــــــ : صدق !!! لحد الحينه تحبني
عيسى : هيه لا تخافين انا اصلا هيمان فيج انتي
ــــــــــــــــــــــــ : ياحيااااااااااااااااااااااااااااااااااااتي اموت فيك
اسما : عيسوووه منو ترمس ؟؟
عيسى : وانتي شلج ليش تسالين ؟؟
اسما : اففف ملانة ولابي خربان عطني لابك الله يخليك

[تمرב جنۈنيـﮱ ..]

عيسى : انزييين اخذيييه واجلبي ويهج
اسما : مشكوووووور الغالي
بيت بو علي
ام علي : اميه ميثا متى بتسيرين تودين اغراضج بيت عمج مابقى شي وعقب هالايام كلها بتكونين مشغووولة
ميثا : يعني تقوولين من الحين اوديها ؟؟؟
غلا : جااان تبين مساعدة انا موجوودة
ميثا : لا مشكووووورة انتي بعدج يهالوه
غلا : يهالوه ريلج لي متى بتقولولي ياهلة انا كبرت انزين
ميثا : بس بعدج ما عقلتي
غلا : اوووهووو انا مضيعة وقتي ويالسة وياكم وسارت عنهم
ام علي : اتصلي بنوف وجوفيها لاني انا مااروم اسير بيت خالتج تعبااانة هاليوومين
ميثا : يعني ما بتسيرين وياي
ام علي : لا حبيبتي خالوتج ونوف وميرة وموجودات يكفن ويوفن عني .... انزين اتصلتي بالحنايات ؟؟
ميثا : اوووه تصدقين نسيت احدد لهم اليوم بس الكوافيرة واللي بتمكيجنا اتصلت بهم
ام علي : خلاص عيل حبيبتي بس شدي حيلج وييبيلنا العيال
ميثا : ان شالله وبخليج تدخلين موسوعة جينيس بكثر الاحفااد
ام علي : الله يغربلج ويغربل سوالفج
عبدالله : هاا اجوفكم تضحكون ضحكونا وياكم
ميثا : اففف سوالف حريم انته راز فيسك ليش
عبدالله : ويا هالويه انزين ما قلتي لي ما بتسيرين مني مناك بيت عمي اي شي واي مكان
ميثا : هييييييييييييييييه قولها قولها ... هيه باجر بسير
عبدالله : قولي والله عيل انا بوديج
ميثا : وانا اقوول الذيب ما يهرول عبث ابووويه صدق بك يوم قال بتمووووت لو ما عرست
عبدالله : هيه انا مـــــــــتمســـــــــــك بــــميـــــــــرة اليــــن النـــــــــهايـــــــــة وما بـــــتخلى عنــــها لــو شــو مـــا صــــار
عبدالله : حشى حشى مب ميرة يابوووك هاي اللي متخبل علينا فيها
اليوم الثاني العصر فبيت بو سالم
ميثا : هلا هلا والله اشحالج ؟؟
نوف : الحمدالله بخير
ميرة : امج وين ؟؟
ميثا : تعباانة قالت انتوا ما بتقصرون
ميرة : انا اسمحوليه مااروم اسوي اي شي او اساعدكم سوالف معرسين وانتو ادرى بها
ميثا : لا لا خلج يوم بيي دورها بنطلعج
ميرة : لا بسير اذاكر لاني اذا سقطت بقول انتي السبب
وسارت ميرة حجرتها
ميرة : افففف انا وين اقدر اذاكر وانا تفكيري كله في عبدالله وكيف بينصك علينا باب بحجرة وحدة مب قاادرة استحمل
فتحت الكتاب على اول صفحة جافت انها كاتبة اسم منصور بخط كبير طاحت منها دمعة وهي تمسح هالاسم
صوب ميثا ونوف
نوف : اقولج ميثا انا بسير حق خلود وبييج
ميثا : لا ماعليه مابقى شي خذي راحتج
صوب ميرة

[تمرב جنۈنيـﮱ ..]

طق طق طق
فتحت الباب
محمد : ميروووه منو يايينا اجوف البشاكير يجهزون الاكل واميه وياهم
ميرة : ليش ما تعرف حرمتك اهنيه تحط اغراضها
محمد : قووولي والله ..... والله تصدقين ما قالت لي .... انزين حد وياها ؟؟؟
ميرة : مااظني نوف توها يت لي وسارت اظني حجرتها
محمد ربع صوب حجرته
فتح الباب
ميثا : نوف زين ييتي لان في اغرا.................................
كانت ميثا بعباتها لكن عاقة الشيلة فوق السرير
محمد يلس فوق السرير ويالس يطالعها باعجاب
ميثا وهي تلعب باصابعها : انزين انته الحينه ليش جي تطالعني ؟؟
محمد : حرمتي وكيفي والا شو رايج ... انزين انتي شعنه ما خبرتيني انج ياية زين اني ييت بعد ..............خخخخخخخ ازين شوي شوي عن تجلعين اصابعج
ميثا : خلاص انا بسير لاني خلصت
محمد وقف وسار صوبها : لحظة لحظة وين سايرة بعدني ما شبعت منج
ميثا : تراك بتشبع عقب وبتمل بعد
محمد : اخسي الا انا ... حد يمل من هالويه الغاوي جاني الا تخبلت صح والا
ميثا : انزين ممكن تبعد شوي ابا اخذ شيلتي لاني بسير الصالون
محمد بعد عنها : ومنووه بياخذج لا تقولين لي الدريول
ميثا : هيه الدريول منوه يعني بياخذني
محمد : انا قايل لج من زمان دريول مااباج تركبين وياه
ميثا : انزين لا تعصب بخلي عبوود ياخذني
محمد : يالله تراني حيل مشتاق والحجرة بعد مشتاقة
ميثا ضحكت واستغرب محمد من ضحكتها وكتم هو ضحكته
ركبت ميثا السيارة
ميثا : خالوه تقول ليش ماتنزل شوه ماتبا تجوووف ميرة
عبدالله : ميثوووووه طلبتج دخيلج قولي تم
ميثا : شو ؟؟؟؟؟؟؟؟؟؟
عبدالله : خلي ميرة تركب ويانا اوونه ابا احوطها الله يخليج
ميثا : اسمحلي مااروم
عبدالله : محمد وسار ومحد اخوانها الله يخليج
وبعد اقناع شديد وافقت ميثا
وعقب حنة زيااادة وافقت ميرة ووافقت امها
ركبت ميرة ورا وطوول الوقت منزلة راسها
وعبدالله مرتبش حااط اغنية لميرة وميرة طاف وميثا تضحك من الخاطر
ميرة : الو ... هلا اماية ... انزين انا الحينه جربت من البيت
ميرة : يلا مع السلامة
عبدالله : مع السلامة حــــــــــياااتـــــــــي
ميرة طالعته وهي مستغربة وسارت البيت
ميثا : شو بعد حياتي انته ماتخيل شوه ؟؟
عبدالله : شو بعد ماتخيل خطـــــــــــــــيبيتي وكيفي
نزل هو وميثا البيت
ام علي : اصبر اصبر عبوود ..انا قبل نسيت عندك جيس سير ييبه
سار ودور الجيس جاف فون ميرة طايح تحت حطه فمخباه وياب جيس امه
عبدالله سار حجرته وحط تلفون ميرة فوق الطاولة ويلس مجابله ويوسوس من داخله انه يفتشه
عبدالله : انا ليش ماافتشه ...عادي عادي خطيبتي .... لا لا يمكن حاطة فيه شي ...لا خلاص بفتشه
جاف عندها صور منصور بفايل بروحه (ريم اخته مطرشة لها )
ودش عند الرسايل جاف ريم تتكلم عن منصور
عبدالله : لها الدرجة ميرة تحبه مستحــــيل انـــا مابـــتخـــلى عن ميـــرة لو شــو ماكـــان ومــــا اكـــون عبدالله ولد ابويه ان ما نسيتها هالحب

[تمرב جنۈنيـﮱ ..]

((البارت 12 ))

بيت بو علي البنات يتحنن
الساعة 3 الظهر

ميثا : منو الشاطرة اللي فستانها مايابته لحد الحينه
ميرة رفعت ايدها : الصراحة انا فستاني ماخلص فالليل بيخلص واممرة بشله
مروة : وانا بعد
غلا : انا فستاني بيخلص المغرب
ميرة : لا ماعليه وانا مروة بنسير بنييبه بس هاتيلي الفاتورة عقب
مهرة : حليلها نوف تبى تتحنى بس لايعة جبدها من ريحتها وغاصة داخل ويا خلود
ميرة : اتقولي لما اتطب ريحتها تعالي لي
مهرة : اقولج ميثووه ياخي حشرنا فونج ردي على اللي متصل لج او صكيه ترى جي بتوشوشين افكار الحنايات
ميثا : شو اسوي هذا محمد وانا ماابا ارمسه هاليومين
ميرة : افااااااااااا جيه ثره اخوويه شو مسوي ؟؟
ميثا : اسكتي اسكتي هاي لزوم معرسين خل يشتاق لي
مروة تطالع مهرة : هيه هاييلا يتحرن عمارهم قيس وليلى الله يخليج اسكتي بس
حناية 1 : ماما انتي وااجد سوي قرقر خلي انا شوي يبي يركزمشان انته حنا في حلو
ميثا : اقولكم قوم عمي سيف بيون باجر العزيمة والا
مهرة : اعتقد وشكلهم بيباتون ببيتهم اللي هنيه فبوظبي
ميثا : اقول ميرة ترى انتي نسيتي فونج بسيارة عبدالله يابه وعطاه لي
ميرة : هيــه وانا من الصبح يالسة ادوره تحريت حمود خاشنه (( اويـــــــــــــــــــه ليكون جــاف صورة منـــصور وبعدين انـــا ليش حافظتنها اول مااخذه بمسحها واااي لو جافها شو بيصير لي بلوة والله )
ميثا : ها وين سرتي لا تخافين قالي مافتشه اخويه واعرفه
خلصوا الحنا وقشوها وكل واحد سار لبيته
بيكون ورا باجر العرس باجر العزيمة وزهبة ميثا
فالليل بيت بو سالم
ام سالم : يعني لازم الحينه تسيرين
ميرة : اذا ماسرت الحينه متى بسير خبريني ونحن باجر طول الوقت ببيت عميه بو علي
ام سالم : انزين بخلي اخوانج باجر اييبونه لج
ميرة : لا لازم احينه اسير اجوفه اروووحي وبعدين البشكارة وياي ومروة نسيتي شو ؟؟
ام سالم : يوم تحطين شي في راسج منوه يروم عليج سيري سيري ربي يحفظج
ميرة : يلا جونيا بسرعة
شلت ميرة البشكارة ومرت على مروة وساروا ويا الدريول
في السيارة
ميرة : تعرفين بنسير عند المصممة وعقب بنشل لنا اكسسوارات الشعر بعدني مااشتريت شي
مروة : بذمتج انتي شو تتريين
ميرة : يعني ياييتنا امتحانات ومااقدر اطلع وايد
مروة : هيه مبين الدح انزين
ميرة : اسكتي اسكتي بس ... اووه هاي ريموه متصلة فرصة اعزمها .... هلاوالله بالشيوخ
ريم : يااهلين وسهلين
ميرة : شحالج ان شالله طيبة
ريم : تمااام يسرج حاليه انتي شحالج
ميرة : اخاف اقول بخير تزعلين واخاف اقول مب بخير بعد تزعلين
ريم : لا ولا يهمج واذا عن اخوويه خلاص انتي بتعرسين وبتنسينه وهو اكيييد بينسى هاي سنة الحياة ... المهم علومج بعد
ميرة : والله ماشي علوم تعرفين ورا باجر عرس حمود ترى انتي معزومة وسايرين الحينه ........ مول نييب فساتينا
ريم : هيه زين عيل بخبر اماية وبحاول ايي صوبكم باجر
ميرة : تراه اجباري
ريم : ههههههههه اووك ... اقولج انا عندي خط يالله برايج وربي يحفظج
ميرة : ويحفظج امييين مع السلامة الغالية
عند ريم
ريم : هلا منصور ... شو خربت عليي كنت ارمس ربيعتي
منصور : منو ربيعتج
ريم : اوهووو مب ميرة
منصور : عيل يوم قلتي جي يعني هي ميرة واقص ايدي اذا لا
ريم : حشى يني مش ادمي انزيين انته وين ؟؟؟
منصور : بـ............. مول
ريم لااراديا : قول والله ميروووه هناك
منصور : شووو ؟؟؟؟
ريم : هاه الله يغربلني ان شالله هيه ميروه هناك
منصور : اهااا اووك يلا اجلبي ويهج
ريم : بتسوي شي ؟؟؟
منصور : هبلة انتي شو بسوي يعني ؟؟ وصكر الفون بويهها
منصور ربعه سارووا وهو ويا حميد ظلوا يالسين بالكوفي
منصور : تراك انته تشط عمرك عشي مايسوى
منصور : جيه انا شو سويت الحب مب حرام
حميد : بس مب تقوول انخطبت ليش بعدك تفكر فيها
منصور : لانك ماجفتها ولا عشت اللي عشته انا تعرف انا الحيينه عمري 21 ومن عمري 15 وانا احبها مب يوم ولا يومين حس فيني ولا توقف ضدي وبعدين اللي قاهرني انه هي بعد تحبني

[تمرב جنۈنيـﮱ ..]

حميد : منصوور طالع عمرك انته الف وحدة تتمناك وااقف لي على هااي اللي انخطبت والله ما تسوى
منصور : الله يخليك تسكت لانك خليتني اعصب
حميد : خلاص خلاص بس طالع البنيات شقا يطالعونك
منصور : بــ70 دااهية وانا شلي بهم
حميد ضحك وهز راسه بمعني لاحول ولا قوة الا بالله ... يالله الشيخ الربع يتريوونا شو بترقد هنيه
منصور : انته سير انا بيلس اشوية اررروحي
حميد : هاااه .......... لا لا تخاف رقم رقم مابعلم حد وغمز له
منصور : متفيج انته بعد الثاني ماشي شغلة
حميد : انزين يلا قووم نحووط
منصور : الصراحة انته مب مال حواطة تفضحنا وتبلشني انا
حميد : انزييين خلاص مابرقم برقمك ارتااح وبعدين البنات اللي يطلبن مش انا ارقمهن
ويلسوا يتمشوون ومنصور محرج وحميد ولا رقم وحد عسب منصور
صوب ميرة ومروة طلعوا من المحل وبيسيرن محل ثاني والبشكارة سارت تودي الاجياس
ــــــــــــــــــــــ : صراااحة انتي خطيرة عطينا ويه بس
ــــــــــــــــــــــ : انزين ماعليه انتن شكلكن تبني ارقمكن
مروة : جووفي السخيف شو يقول ثره ماعرفني انا منو
ميرة : صخي عنهم وهم بيسيرون
مروة : لا انا مااعرف جي
ــــــــــــــــــــــــ : انزين شكلكن مستحيات خلاص بقوول الرقم
مروة صدت لورا : حوووووه انته ماشي شغلة نبا رقمك مسود الويه ماتستحي
ــــــــــــــــــــــــ : لحظة لحظة انا ماغلطت عليج ليش تغلطين
ـــــــــــــــــــــــــ : اقووولك شكلنا ماتعرف نحن منو وهي منو
مروة : ومنو انته عسب اعرفك ؟؟؟
ميرة : مروة الله يخليج خلاص حاطة راسج براس هاييلا خل يولون
ــــــــــــــــــــــــــ : انتي اييه شعنه تدعين حقنا تراااكم زودتوها
مروة : جوفو انا صح بنية لكن من داخلي الف ريال فلا تخليني امرمغك جداام الخلق كلهم
ــــــــــــــــــــ : انتي !!!! هههههههههههههههههه
منصور : حمييد اربع يلا صوب هاييلا
منصور : السلام عليكم ( صوت منصور يبين على هيبته )
ميرة انصدمت : منصور ؟؟؟؟
الشباب 2 : هلا
منصور : شو السالفة ؟؟؟
ـــــــــــــــــــــــــــ : نعم !! وانته منوع سب تدخل عمرك
منصور : انا قلت شو السالفة ؟؟
ــــــــــــــــــــــــ : هاييلا يخصونا وانتو مالكم خص
مروة وميرة ابتعدوا شوي عنهم
ميرة : كبرتي السالفة الله يغربلج طاعي البشكارة والله مابتخلي شي ياويلي
منصور : متحرش فيهن وتتضارب وياهن بعد صدق ماتستحي
حميد : استحوا على ويوهكم شوي بنات سايرين بدربهن مالكم خص فيهن
ــــــــــــــــــــ : نحن ما نستحي لاه ؟؟ وابتدوا ضرابة
ميرة : هييييييييييييييييييييييييييييييييييه منصور وااي وااي شو هاليوم النحس
مروة : جوفي تيمعوا الناس ياربي شو بيستوي
ميرة : انزين خل حد يفاجج من بينهم شو هذاا
عقب يو رجال الامن وجلوهم عند المدير مال الموول وخلوا مروة وميرة يسيرون بعد لانهم اساس السالفة
منصور وااايد متعور لانه جسمه استوى حساس من عقب الحادث والسفرة محد وشعره مكشش وشفايفه وخشمه فيهن دم وحميد دقة صوب عينه وايده تعوره والشباب ويههم كله بنفسجي ( منصور مضاربنهم من الخاطر )
ميرة ومروة في حجرة المدير ومنصور وحميد والاثنينة وبشكارة ميرة برع
المدير : يعني ماشي ريال ساير وياكم
ميرة صاخة ومروة اللي تتكلم
مروة : نحن يايين ناخذ شي ونروح وهاييلا الاثنينة عقو علينا رمسة مش بس مغازل وانا مااقدرت استحمل رمستهم
المدير : انزين والاخ اللي لابس كندورة بيضة مايصير لكم
ميرة تكلمت : هذا يستوي اخو ربيعتي وانا اعرفه يعني وهو يعرفني ومااعرف ليش تضاربوا
المدير : يعني ما رضى عليج
ميرة حز بخاطرها لما قال جي
المدير : انزيين منو بدا اول اللي لابسين بدل صح ؟؟
مروة : هيه هم اساس الموضوع
المدير : زييين خلاص تفضلوا وقولوا حق الاثنينة الثانيين يروحون خلاص ومرة ثانية مالهم خص
مروة : انتي قولي لمنصور
ميرة طلعت وهيه ترتجف
منصور : هااا شو قال لج المدير ؟؟؟؟؟؟؟
ميرة بصوت يالله ينسمع : ماشي قال خلاص وانتوا بعد خلاص
وهم طالعين ميرة قالت : منصور
منصور : هلا
ميرة : بتسير الصيدلية ؟؟
منصور : هيييه
ميرة : منصور انا وااايد اسفة كل هذا بسببي انا اسمحلي وايد انا واايد متلومة
منصور : مسمووحة لا ولا يهمج يفدااج ميرة استغربت وحميد ومروة بعد استغربوا
يالله مع السلامة ...........ميرة
ميرة صدت له
منصور : لا تسيرين مرة ثانية برووحج بدون ريال وسار عنهم لسيارته
ميرة ابتسمت ابتسامة ضعف وسارت صوب سيارتهم
حميد مبقق عيونه على منصور
منصور : بلاك تطالعني جي ؟؟؟
حميد : منو هااي عسب تتفاعل وياها جي
منصور : هاااي الحب يالغبي
حميد : قوووووووووووووول والله عيل من الحينه ماالومك
منصور : حووووه جب نسيت انك نسيبي وبتاخذ اختي والله لاخليها ترد عن رايها وتفصخ الخطوبة
حميد : لا لا كله ولا ريمااااااااااااااااني ملكة قلبي
صوب ميرة ومروة
مروة : نسينا نشتري الاكسسوارات للشعر .......... حوووووه ميرووووه ..........اييييه ودزتها
ميرة والدموع مليانة عيونها : شو فيج ؟؟؟
مروة : هيه يالدنيا خسارة تضيعين واااحد مثل منصور ليت وااحد يحبني مثل منصووور جان انا مابرمس حد وانا اقووول انتي ليش طالعة مغرورة؟؟

[تمرב جنۈنيـﮱ ..]

ميرة بصوت خفيف : مروووه الله يخليج اسكتي ولا تصيحيني انا ماجلة كل شي للبيت انتي عالاقل حبيتي حمدان وبتاخذينه انا ماتــــعلقــــت الـــا بمـــنصـــور محــــد يهــــــــمــــــني بـــس هوه والــلهـــ قهــــر هالـــدنيا فهــــمينــــي كيــف بكـــون ويــــــــــا عبداللهـــ كيـــــــــــــــــــــــــــــــــف وانـــــــــا بــالـــي عنـــد منصـــــور ؟؟؟؟؟؟
مروة : ميـــــــاري ... بتــــنسيـــــــــــنه صدقينـــي
ميرة : كيف وانا بعيـــدة عـــنه كـــل يــــوم احبـــه زيـــادة انــــا يـــوم جفـــــته متــــعور اليــــوم بغيـــــــــــــت اتخـــــبل قلــــبي مــــش بايـــدي
مروة :ميرة ادفني السالفة لين عقب عرس اخوج وعقب الامتحانات
ميرة : احاااول ... خان مر بيت عميه بو علي يالله بسرعة
مروة : جونيا حبيبتي السالفة اليوم اللي استوت خليها بيننا وبينج
جونيا : شو يستوي اصلا انا مايعرف شي
مروة : حلوووو احسن شي ان بشكارتكم غبية
ميرة ضحت شوية
دخل صوب بيت بوعلي
دشن ميرة ومروة والبشكارة رقدت فالسيارة هع هع
ميرة ومروة : السلام عليكم ..
الكل : وعليكم السلام
سلموا عالكل وعطوا غلا فستانها
مروة : يالله نحن نترخص
ام علي : لا والله ماطلعتوا الا لما تتعشون
غلا بصوت خفيف : لما اميه تحلف محد يقدر يخالفها طيعوني
مروة : ههههههههههههههههههههههههه
ام علي : شو قالت هاااي السبالة
مروة : ماشي قالت ذوقو اكل اميه بس خالووه هاللي قالت لنا
ميرة : خالووه مانرووم الدريول برع
ام علي : لاماعليه بينزلون يتعشون ويا البشاكير سيري ازقريهم بس
سارت ميرة برع وخلتهم يدخلون عند البشاكير ويلست برع ترمس امها
ميرة : اميه شو اسوي اختج حلفت اننا نتعشى وياها شو اسوي بعد .... انزين عقب العشا سيدة يايين
وهي داخلة
عبدالله : اووووه حرمتي امس عندنا واليوم وباجر
ميرة باستهزاء : ارووح يعني ؟؟
عبدالله : لا لا لا كله ولا تروحين انا ابا ايلس وياج بروحنا
ميرة : خالوه تترياني داخل عن اذنك
عبدالله : ميررررة بلاج عليي انا شو سويت ؟؟
ميرة بداخلها ( ماسويت شي انته بعد مظلوم بس انا مااحبك احب غيرك ) : ماشي بس خالوه بتقول انا ليش تحيرت
عبدالله : خبريها انج رمستي امج
ميرة : كل هالوقت ؟؟؟ عن اذنك وسارت عنه
عبدالله : ااااااااااااااااه ليــــــــــــــــــــــتج يـــا ميـــــرة لـــو تعــــرفيـــــن انــــا شكـــثر احــــــبج واغـــــــــــليج وانــــــــــتـــــــــــي هـــب حاســــــــــــــــــــة بقلبــــــــــــي ومحـــــــــــــبتـــي لــــج
ودخل البيت جاف ميرة يالسة ومنزلة راسها مااتطالعته ويزهبون سفرة العشا
عبدالله : ماشالله ضيوف عندنا اليوم ؟؟؟( اونه يعني ماجاف ميرة من قبل )
ام علي : عبووود شعنه ياي الساعة 11 مب من عوايدك
عبدالله تنهد : شكلي ادري ان حرمتي اليوم موجوودة ييت ابا اجووفها
ميرة تبين شكلها تضايجت عبدالله حس بها
عبدالله : عن اذنكم انا ساير حجرتي
ام علي : مابتتعشى ؟؟
عبدالله : بالعافية عليكم
وسار حجرته
مروة : افاااا شو مستوي بالدنيا ............ عيل عموووه وين ميثووووه
ام علي : ميثوووه ماادري شو حطت بويهها ورقدت
مروة : ههههههههههههه
ميرة تفكر بـــ2 الاول منصور والثاني عبدالله .......... معقوولة عبدالله يحبني من الخاطر مش بس لاني بنت عمه ومحيرة له
بيت بو سعيد
مروة : السلام عليكم
الكل : وعليكم السلام
سعيد : من وين ياية هالوقت
مروة : اميه وابويه يعرفون وماقالوا شي وسارت لحجرتها
مروة : السلام عليكم
مهرة مندمجة باللاب : وعليكم السلام
مروة : والله فاتج يا مهرووه فلم هندي استوى اليووم
مهرة : جيه شو استوى
مروة : منصور ............... اقولج تضاربنا ويا شلة شباب سخيفين وياك منصور النا ويا ولد عمه يمكن ماادري واتضاربوا وياهم وخذوهم للمدير ونحن بعد
مهرة : شوووووووووووووووووووووووو ... قولي والله افاا فاتني ... ومنصور شو استوى له
ميرة : حليله وااايد متعور وميرة قلبها معورنها عليه صدق يغمض تاكدت من هالموقف ان منصور صدق يحب ميرة ومازال يحبها كل الرجووولة فيه هالولد
بيت بو سالم
سالم : اميييه الحينه الساعة بتيي 12 وبنتج بعدها ما يت
محمد : اصلا نحن من متى نخلي البنية تسير بروحها لا وبهالوقت بعد
ام سالم : بس عاااد صخوا اختكم ببيت بوعلي
سالم : وانتي شو دراج انها ببيت بوعلي
ميرة : السلام عليكم
محمد : حضرتج من وين ياية هالوقت
ميرة : شو فيك انا مخبرة اماااية اني ببيت عمي بو علي
سالم : اوونه صدق
ميرة : شو فيكم لو مش مصدقيني اسالوا البشكارة والدريول والا اتصلوا ببيت عمي بو علي والله
وسارت حجرتها عقت عمرها عالسرير وصاحت من الخاطر عسب منصور وعبدالله وعصبية اخوانها عليها
يتها امها وهدتها وعقب سارت عنها وميرة بعدها تصيح لين اذان الفير صلت وعقب يالله رقدت
اليوم العزيمة وزهبة ميثا الساعة 12
ام سالم توعي ميرة
ام سالم : ميروووه يلا قومي بنتحير جي
ميرة : اميه سيروا انتوا والله مارقدت شي عقب بيي صوبكم
ام سالم : ماطاعت تقووم تقول تعبانة عقب بتيي
محمد : خلاص انا يوم بيي بشلها ويايه
بو سالم : انا قلبي مب مطاوعني اخليها ارووحها فالبيت
سالم : لاماعليك ميروووه تخوف ماتخاف
ام سالم : الله واكبر عليك .... الا خلوود ويا امه لاه ؟؟ ماجفتهم فالليل
سالم : هيه خلوود ويا امه خبلة انا ارقد وياه رووحنا جان الا سيدة عمستشفى الامراض النفسية
ام سالم : عافان الله مب ويه ولد انته وهذا وانته بييك الثاني
سالم : الله يعين
بو سالم : يالله سرينا
الكل وصل بيت بو علي والكل يسال عن ميرة
اسما : مهااري اوونه عيسووه يبا يجوفج
مهرة احمرت : شووو وشقايل اخليه يجووفني
غلا : نظهر الحديقة يلا
ميثا : ميروووه ادق لها ولا ترد
نوف : توه سالم خبرني انها هي فالبيت راقدة
الكل : شووووو
نوف : هيه يقول انها تعبانة ... ... اكووه متصل سالم لو طارية المليون وسارت عنهم برع
نوف : انزين خلاص ييبه وياب سالم خلوود والها وعقب رد الميلس
نوف ياية وميودة خلود خلوود كان لابس كندورة بس بدون سفرة
خالد بصوت طفولي : السلام عليكم

[تمرב جنۈنيـﮱ ..]

ويلس ايسلم عالبنات وعقب لصق فامه
ميثا : وابوووويه ولدج واايد يستحي اصغر البنات عندنا الفرق ماادري 10 او 11 سنة
نوف : ههههههه .. متى الحريم بيين
ميثا : يوم بيي وقت الغدا .... يعني هالوقت للاهل بس وفالليل بعد
نوف عصبت : خلوووود بلاك افففف عورتني
مهرة : بلاج عليه حرااام عليج انتي من صوب وابوه من صوب اسميه الولد بيطلع معقد .... تعال تعال حبيبي عند خالوه
وركض لها خلود
مهرة : هيه هذا الصدر الحنون مب انتي عافان الله
نوف : انزين بتيينا العلوم من عيسووه ان شاالله
صوب الرياييل

بو علي : عبدالله بوويه سير ييب الحلويات مال امك محد يابهم
محمد : عقني عبوود على دربك بيتنا بشل ميرووه
عبدالله : ليش ميرووه مب ياية
محمد : راااقدة اوونه تعبانة
عبدالله : اهااااا عيل يالله
عبدالله نزل محمد وسار عند مال الحلويات
محمد : ميروووه يالله بسج خستي مب رقااد
ميرة : اشوية بس
محمد : يلا جب كلهم يتريونج هناك 5 دقايق بس عندج وطلع عنها
ميرة قايمة : اففففف مالي خاطر اجابل حد
محمد بحجرته وعبدالله حدر الصالة وكان يتعبث بتلفوونه ومنزل راسه
ميرة نازلة الصالة بجلابيتها وفاتحة شعرها ومعدلة ويهها بس
ميرة : جوونيا جوونيا وينج الله يغربل الساعة اللي يبناج فيها .................. حمود انته ....ورفع راسه عبدالله
ميرة : حطت ايدها بحلجها وطيران لي فوق
عبدالله : رغم كل شي اظل احبج واحب نعومتج
محمد : شو تقوول انته
عبدالله : هااااه ماشي يالس اقرى مسج هاا اختك خلصت
ركبوا السيارة وركبت ميرة السيارة وهي منزلة راسها طلعت اغنية طول عليها محمد وعبدالله بنفس الوقت وكل واحد يغني ويا الاغنية وييبس بعد وميرة تضحك رغم التشاؤم اللي فيها من الداخل
وصلوا ويت ميرة للبنات ويلسوا يسولفون وميرة صاخة طول الوقت ويو الحريم والرياييل تغدوا والحريم جافوا زهبة ميثا لين الساعة 9 خلصوا الحريم والبنات حطوا لهم اغاني فمسجل غلا العوود وهم مرتبشات
ميثا : ماشي احلى ان وحدة تعرس حد من العايلة ماتبتعد عن اهلها ولا تفتقد الاجواء يدي العود طلع صح
ميرة ( صح !!! والقلب ؟؟؟ )
عيسى ومحمد وعبدالله وسعيد دشوا الصالة ويا البنات ومرتبشين بعد وياهم بالاغاني والسوالف
عيسى : هالاغنية اهداااااااااااااااااااااء
مروة : فقدتك وهذا وسعيد اخووويه موجوود
عيسى : سعيد اخووج برووحه عنده هالسوالف
سعيد : جب يلاه ماعندي هالسوالف انا صخ لا تفضحنا
البنات يلسوا عصوب والاولاد يلسوا عصوب يسولفون كل واحد وسوالفه والرياييل فالميلس والحريم فحجرة ميثا وهي وياهم
صوب البنات خلوود شله الهوا ويلس يرزف بايده ويا الاغنية وقام محمد يسوي شراته وكلهم يضحكون
ميرة : حمووود بس حراام عليك
محمد : ترا مااسوي شي ارقص وياه ........... يالله عااااااااااااشو يابس فوق فوق بعد بعد
سالم وعلي دشوا
سالم : هااا شو سويتوا بولديه
خالد : بابا وركض له ويلس ييبس جدامه والبنات يضحكوون عليه
نوف تصور ولدها وريلها لما ييبسون ويا بعض ... كااان كشخة شكلهم مطقمين بلون الكندورة بس سالم لابس غترة وعقال
فالليل كل وااحد سار لبيته لانهم بيتعبون بعد باجر
الضحى بيت بو سالم محمد مرتبش لانه خلاص بيعرس وحاااشر البيت
ام سالم: انزين انزين خلاص خلاص عرفنا انك بتعرس والله انا اجووفك مب ويه عرس الله يعين ميثا عليك
محمد : انتو بغيتوني اعرس تحملوا النتيجة

دش محمد حجرة ميرة ويلس يطفر بها
ميرة : حمووود بس اطلع برع
محمد : يالله بسج رقاااد نشي
ميرة : مب تبانا نجابل العرب بعرسك خلني اجابلهم بويه زيين اطلع
محمد : بـــــــــــس نشي
ونشت ميرة وهي تتافف
بيت بو علي

[تمرב جنۈنيـﮱ ..]

ميثا يالسة في حجرتها هي وامها وغلا وعبدالله يحدرون الاغرااض
البنات بيتعدلن بالقاعة بس ميثا كوافيرة ومال المكياج غير عنهن وميرة ونوف بيتعدلن وياها والبنات الباجيات ويا قووم دبي
وصوا البنات كلهم القاعة ماعدا ميرة لانها تتريى قوم عمها سيف وعمتها موزة
سلمت عليهم وكانت ام عبدالرحمن وام مايد ياين وياهن اما الرياييل عقب بيوون وساروا البنات
ميثا : هلا هلا والله بعد تحريتكم بتتاخرن
هند : ونحن نرووم وسلموا على الكل
ايمان : وينه خالد ؟؟؟
نوف : ويا ابووه غريبة ما جفتيه
ايمان : احسن لانه حمادي اذا ماجافه بيتخبل
نوف : حاسبه حسابه والا ما بخليه ويا ابوووه ما يرووم عليه
بيت بو سالم الساعة 4 الظهر
خالد وحمد يالسين يلعبون برع ( الحربية بتكوون فبيت بو سالم وعقب ما يخلصون الكل بيسير القاعة )
خالد : انته متى ترقد
حمد : انا ارقد الساعة 10
خالد : انا قبل كنت ارقد ويا عموووه ميرة الساعة 1 والحينه بابا ما يخليني
محمد : حمد حييييه الشيخ خشمك وتخاشم ويا حمد
حمد : انته اليوم تنزل من الدري فالعرس ؟؟؟
محمد : هههههه هيه حبيبي
حمد : انزييين انا عادي انزل وياك وويا خلود
محمد : هيه عاادي انته اول وااحد تدش
ابتسم حمد ابتسامة بريئة
صوب البنات
بدوا نصهم المكياج ونصهم شعرهم وواللي بتعدل ميثا وميرة ونوف مايت ولا ترد عالتلفوون
ميثا تصيح : شو يعني الحييييينه ما بتعدل والا شو
نوف : طولي بالج كل شي بالصبر يستوي زين
ميثا : اي صبر نسيتي انها بتعدلج انتي وبتعدل ميرة عيل متى بتعدلني هذا اذا يت
نوف : نحن ما عليه المهم انتي
ميثا : اكيه اتصلت ........ الو انتي وين ؟؟؟؟ ........ تحت اووكيه الحينه بيي
الكوافيرة : انا اسفة كتيييييييييير كان زحمة وطلعت ناسية الموبايل وجبت معاي اثنين عشان نخلص بسرعة
بدو يعدلون ميرة ونوف
الساعة 5 العصر بيت بو سالم
وصلوا الحربية وكان مكانها جدام بيت بو سالم كان في براااحة كبيرة يو الحربية والساعة 8 بيعشون الرياييل بالخيمة وبيخطفون للقاعة
ارتبشوا الرياييل وكل واحد ميود عصاه او سلاحه ويرزفون ويا الحربية
محمد وسعيد وعلي وسالم وعبدالرحمن والرياييل يرزفون بعصي وعبدالله وعيسى وحمدان بسلاح واييولون وكان الكل يوقف سيارته وينزل الجامة ويتطالعهم او يصورهم ويروحوون واليراان بعد يرزفوون يعني ربشة من الخاطر
صوب القاعة
ميرة بس سوت مكياج وميثا بعدها فميثا غصبت ميرة تنزل وياها تجووف الكوشة
ميرة : اللــهــ واايـــد روعــة
( ميثا مختارة لونين الوردي الفاتح والوردي الغامج شوي ومازجتنهم بطريقة واايد حلوة وفيه فراشات فالقطعة وفراشات تحت سوت جي لان فستانها فيه هالالوان )